من اناتناقض x تناقض
تناقض ( 1 ) /
صباح الخير جميعاً ,, بعد مافطرت وما أكلت إلا شوي
لأن الفطور من " موفنبيك " هالمرّة مو شي , المهم ما أحب أتشرّط بالأكل
ولكن كله ناشف وجاف يوقف بالحلق ويبي لك تشرب لك جركل ماء 
سألت صديق لي : كيف نفرق بين المجاملة والنفاق؟
قال : المجاملة الزايدة عن حدها يعتبر نفاق ,
وقلت له : وش الفرق بين الغرور والثقة ؟
قال : الناس تعرب الواثق بنفسه كمبتدأ ولكن ك خبر مغرور ان اسااء وتمادى ثقة ً.
وقلت : وكيف تعبّر النصيحة بدون فضيحة ؟
وقال : ان كانت علنا لاتكون نصيحة بل فضيحة !
وقلت : والنقد والحقد؟
قال : إن تحدث بخارج الموضوع واصبح شخصي .
وقلت : بس يقول نيته صافيه أصفى من حليب الصافي ولبن المراعي !
تناقض ( 2) /
مجتمعنا ماعنده - وسط - !
عاكسين كل شيء .. المبتديء يشوفونه " واثق "
والخبرة يسمونه " مغرور "
يدخل عليك بالطابور والدور لك وتقول له : لو سمحت ..
على طول مايعطيك فرصة ويقول لك : وش تبي؟؟
ويروح بسيارته أقصى اليسار ويسوي علامة " إكس " ويدخل لأقصى اليمين لـ " مخرج الشارع "
يغلط في حقك وبحق شخصك ويترك الموضوع اللي يبي يتكلم عنه
بعدين يقول لك : احمد ربك عندك واحد يعطيك عيوبك , ياخي رحم الله امريء أهداني عيوبي .!ّ
تقول له بس عن موضوع فيه - عيب واحد وبسيط -
حاربك بشتّى أنواع الأسلحة وابتزّك .
صديقك إذا صار بينك وبينه خلاف , يروح يحاربك بأسرارك وينبشها للناس
ويخاوي اللي بينك وبينهم سوء تفاهم ويعطيهم أسرارك إللي هم يحتاجونها . والنعم والله فيك والنعم ..
يصرخ ويصيح ومن صراخه الطيور هاجرت المنطقة ويستخدم صراخه للنصيحة مثل مايقول .
أنا ما أحكم من تصرف واحد أو اثنين ولا أيضاً أعمّ
الدنيا لازالت بخير فيه الطيبين وعيال الطيبين ولكن هالدنيا متناقضة نبي نقدّر ناس
ونبي فكرة جديدة , اختراع شيء . تأسيس ..
اضافة تعليق