صديق آلي -

في الصباح الباكر كنت أقلّب بأحد المجلاّت وانا طفشان من التلفزيون
لابرامج عدلة ولا مسلسلات زي الناس
حتى الأفلام قديمة ويقولون لك إم بي سي 2 ( حصري )
إلا طاحت ما بين المجلاّت ورقة كبيرة وفوقها عنوان مكتوب بالياباني ماني عارف وش السالفة
أخذت الورقة وقريت بالانجليزي " إحصل على صديق آلي بـ600 دولار - صنع في اليابان "
قلت في نفسي : ماخليتوا شي ياليابانيين حتى الاصدقاء ماخليتوهم بحالهم .
قلت لازم أروح مصنعهم واشوف هالاصدقاء من نفسي ما أبي أسوي طلبيّة أبي أشوف هالمصنع
وكان أجهّز أغراضي واحط جوازي بمخباي واروح اليابان بعد ما اخذت العنوان من سواق التاكسي يوم وصلت هناك
ونزلني في المصنع والتقيت بواحد إسمه يخلي الواحد يعطس . إسمه فيه من " تشو تشي تشيانغ "
التقى فيني وقال : ماذا تريد يابن العم؟
قلت له : تتكلم لغة عربية فصحى !
قال : أفا يابن العم أنا مخترع كنت أقيم محاضرات في بلدكم ..
قلت له : الحق يابن تشو تشي .
قال : ماذا بك؟
قلت له : البلد ماعاد فيه اصدقاء ..
قال : وكيف ذلك؟ ممكن أن تشرح لي ؟
قلت له : كل أبوهم كل أبوهم حقين مصالح وانا أشك بهالببسي غسّل راسهم أو التتن .
قال : ممكن أن تتابع حديثك لو سمحت ؟
قلت له وانا ملامحي مثل المتحمّس ولقيت الياباني يتأمّل تفاصيل خشّتي وكل قطعة في وجهي
وانا اتكّلم ومتأثر : ماعاد فيه اصدقاء يارجال في بلدنا . اصدقاء الحكومة يبون بس بترول
وان صار حرب ماراح بيوقفون معها وبيطلبون بترول أكثر عشان توقف . أفا عليك أنا عارف كل الطبخة

طلب الياباني يجيبون لي ماء بعد مانشف ريقي من الحماس ومن وجع القلب
وانا حاط يدي على قلبي وهو يهدي اعصابي وشغّل لي برنامج " عرب آيدول " وصرخت بوجهه : ماعاد فيه إخوان بعد
سوريا يقتّل فيهم بشّار وهذول يغنون ويرقصون وين تبي الغرب يخافون مننا؟ وين تبي تصير عندنا هيبة ؟
بس مجموعة دول عربية وخليجية وماشفنا عروبة حقيقية إلا بس إجتماعات ولقاءات وشجب واستنكار .

وبديت أبكي : مافيه اصدقاء بعد . وقت ماتضحك يبكي ووقت ماتشكي له يفضحك ووقت ماتقول له سالفة يكذبك ,
يقول مهمة صداقته لك إنه لازم يصير كذا عشان تحس بالصداقة الحقيقية . ماعاد فيه أصدقاء تشو تشي

قال الياباني : هدّيء من روعك يافتى اسمع بعدما سمعت حالتك الحزينة والمؤثرة سأعطيك ثمن كل صديق واخ بمبلغ دولار واحد !

قلت له وانا أحاول أهديء أعصابي : اعطني القليل من الجعّة والشيبس المقرمش يالا سخرية الأقدار انت وخشّتك .

صديق آلي - 2

بعد ما انتهيت من شراب الجعّة ذات الرغوة المتناثرة من فوق كاسي
قلت له : أشعر بأنني قد ثملت أيها الياباني !
فقال لي مبتسماً : إنه شراب السفن آب مع التفاح والنعناع المجفف ليس لك داعي بأن تمثل دور الرجل الثمل .
ومسحت الرغوة من فمي بعد ماشعرت بالإحراج ..
وسألني الياباني : ماهو أنواع الأصدقاء لديكم؟
وقلت له : الطويل والدبّ والقزم والقزم هذا ما أحبه أحسه يخوّف لأنه راعي مكر و دهاء . كان عندي صديق قزم ياشيخ كل ماتكلمت
ألقى عيونه تشتغل من التفكير بتحليل وتشفير الكلمات .
الياباني : أين هذا القزم لربما سنصنع منه عيّنة بسيطة ليكون لنا جاسوساً ضدّ الاستخبارات الأمريكية .
قلت له : يابن الحلال حطه طوربيد حق الغواصات .

مسك الياباني يدي وسحبني داخل المصنع وقال : سترى الآن الأصدقاء الحقيقيّون مع مجموعة من الروبوتات المبرمجة






وقلت له : اشكالهم حلوة واليفة ؟ بس ممكن تلبسوهم خليجي؟ .
الياباني : لاعليك كل روبوت سيكون لك حسب الطلبيّة . ممكن أن تبكي الآن ؟

أنا : كيف أبكي؟
قال : مثّل بأنك تبكي ..!
وبدأت أبكي ولقيت كل الروبوتات مابكت وقلت له : أمحق وش هالروبوت ثقيل الدم ؟
قال : لديهم حسّاسة دموع إن رأوا دموعك يبكون سريعاً .
أنا : لعنبو إبليسكم ماخليتوا شي ياليابانيين !
الياباني : وسأزيدك من الشعر أراض عقارات قبل أراض عقاراتكم المتأخرة في مملكتكم .في وقت فضفضتك لهم بأسرارك وشعر الروبوت
بأنه سوف يتعطّل وربما سيفضحك بكلمة واحدة , ينفجر سريعاً !
أنا : ياللهول يارجال أنشهد إنك سنافي وهذول سنافيين وعيال سنافيين , بس ليش ينفجر؟
الياباني : لأنه يشعر بالعار إن فضح أسرارك ويشعر برجولته قد تهشّمت .
أنا : وش هالروبوت بعد اللي يحس برجولته؟ صحيح إنك مربيّهم تربيتن سنعة يابن تشي .
الياباني : ماذا رأيك الآن؟
أنا : عطني عينات كثيرة من هالاصدقاء وكثّر لي منهم وابي روبوتات سياسية حق مجلس الدول العربية والخليجية
كود إنهم يفلحون لنا بحاجة .

لم يعد عندي رفيق، رغم أن البلدة اكتظّت بآلاف الرفاقِ.
ولذا شكلّتُ من نفسي حِزْباً، ثم إنّي -مثل كل الناس- أعلنتُ عن الحزبِ انشقاقي! -

أحمد مطر

حكمة من بنات أفكاري /

( ليس العيب في أخلاقي عندما لم أجد ذلك الصديق . بل العيب في قلّة موارد المصالح المشتركة
وعدم توفر البضاعة له كي أستطيع إرضاؤه - )


عبدالله العواد